ചിക്ലായോ (പെറു): പെറു സന്ദർശനത്തിനിടെ താൻ മുൻപ് ബിഷപ്പായി സേവനമനുഷ്ഠിച്ച ചിക്ലായോ രൂപതയിലെ നൂറ്റിനാല്‍പ്പതോളം വൈദികർക്കൊപ്പം അത്താഴവിരുന്നിൽ പങ്കെടുത്ത് ലെയോ പതിനാലാമൻ പാപ്പ. സാന്റോ ടൊറിബിയോ ഡി മൊഗ്രോവെജോ സ്കൂളിൽവെച്ചായിരുന്നു സ്നേഹവിരുന്ന് നടന്നത്. വൈദികർക്കൊപ്പം അത്താഴം കഴിക്കാൻ പാപ്പ തന്നെയാണ് ആഗ്രഹം പ്രകടിപ്പിച്ചത്. തങ്ങളുടെ മുൻ ഇടയനെ പാപ്പയായി വീണ്ടും കണ്ടതിന്റെ സന്തോഷത്തിലായിരുന്നു 140 വൈദികർ.&nbsp; വളരെയധികം സന്തോഷവാനാണെന്നും തങ്ങളെ കാണാൻ പാപ്പ ആഗ്രഹിച്ചിരുന്നുവെന്നും എല്ലാവരോടുമൊപ്പം ആയിരിക്കാൻ സാധിച്ചതിൽ പാപ്പയ്ക്കും തങ്ങള്‍ക്കും അതിയായ സന്തോഷമുണ്ടെന്നു ലെയോ പാപ്പ ചിക്ലായോ ബിഷപ്പായിരുന്ന കാലത്ത് (അന്ന് ബിഷപ്പ് റോബര്‍ട്ട് പ്രിവോസ്റ്റ്) കത്തീഡ്രൽ വികാരിയായിരുന്ന ഫാ. ജോർജ് മില്ലൻ ഇ‌ഡബ്ല്യു‌ടി‌എന്‍ ന്യൂസിനോട് പറഞ്ഞു. വിരുന്നിനൊടുവിൽ പാപ്പ കാണിച്ച വലിയ സ്നേഹപ്രകടനത്തെക്കുറിച്ചും ഫാ. മില്ലൻ പങ്കുവെച്ചു. "ഞങ്ങൾ അദ്ദേഹത്തോട് ഒരു ഫോട്ടോയ്ക്കായി ആവശ്യപ്പെടുന്നതിന് മുൻപ് തന്നെ, "എനിക്ക് നിങ്ങളോരോരുത്തരോടുമൊപ്പം ചിത്രമെടുക്കാൻ ആഗ്രഹമുണ്ട്" എന്ന് ലെയോ പാപ്പ ഇങ്ങോട്ട് പറയുകയായിരിന്നു. ഞങ്ങൾ ഓരോരുത്തരായി അദ്ദേഹത്തിന്റെ അടുത്തേക്ക് ചെന്നു. വലിയ ക്ഷമയോടെയും വാത്സല്യത്തോടെയും സ്നേഹപൂർണ്ണമായ നോട്ടത്തോടെയുമാണ് അദ്ദേഹം ഞങ്ങളെ സ്വീകരിച്ചത്. ഞങ്ങളെ എല്ലാവരെയും അദ്ദേഹം പേരെടുത്ത് തിരിച്ചറിഞ്ഞു. അദ്ദേഹത്തിന്റെ ഓർമ്മശക്തിക്ക് ഒട്ടും കുറവ് സംഭവിച്ചിട്ടില്ല. വലിയ സന്തോഷത്തിന്റെ നിമിഷങ്ങളായിരിന്നു ഇതെന്നും ഫാ. മില്ലൻ വ്യക്തമാക്കി. ഒരു കുടുംബസംഗമം പോലെ ഏറെ ഊഷ്മളവും സാഹോദര്യപൂർണ്ണവുമായിരുന്നു ഈ അത്താഴവിരുന്നെന്നും, തങ്ങളോടൊപ്പമുള്ളത് സാക്ഷാൽ പാപ്പയാണെന്ന കാര്യം അത്ഭുതത്തോടെയാണ് ഓർത്തതെന്നും ഫാ. ജോർജ് മില്ലൻ കൂട്ടിച്ചേർത്തു. ഇടവകകളെ സജീവമായി നിലനിർത്താനും പരസ്പരം അഗാധമായി സ്നേഹിക്കാനും ഒരുമയോടെ നിൽക്കാനും സുവിശേഷവൽക്കരണത്തിനും ദൈവസ്നേഹത്തിനുമായി എപ്പോഴും പ്രവർത്തിക്കാനും ലെയോ പാപ്പ തന്റെ പഴയ ഇടവകയിലെ വൈദികരോട് ആഹ്വാനം ചെയ്തു.<temp class="focus-point"></temp>

കുടുംബസംഗമം പോലെ ഊഷ്മളം; മുൻ രൂപതയിലെ വൈദികർക്കൊപ്പം സ്നേഹം പങ്കിട്ട് ലെയോ പാപ്പ

കണ്ണൂര്‍:&nbsp;ഭാരതത്തിലെ പ്രഥമ ദിവ്യകാരുണ്യ അത്ഭുതമായി വത്തിക്കാന്‍ അംഗീകരിച്ച വിളക്കന്നൂര്‍ ക്രിസ്തുരാജ തീര്‍ത്ഥാടന ദൈവാലയത്തിലെ ദിവ്യ കാരുണ്യ അത്ഭുതത്തിന്റെ 13-ാമത് വാര്‍ഷിക ആഘോഷവും പുതിയ ദിവ്യകാരുണ്യ സെന്ററിന്റെ ശിലാസ്ഥാപന കര്‍മ്മവും നവംബര്‍ 15&nbsp;നു&nbsp;നടക്കും.സീറോ മലബാര്‍ സഭ മേജര്‍ ആര്‍ച്ചുബിഷപ് മാര്‍ റാഫേല്‍ തട്ടിലിന്റെ പ്രഥമ ഔദ്യോഗിക സന്ദര്‍ശ നവും നാളെയാണ്. രാവിലെ 9.45-ന് ദൈവാലയ അങ്കണത്തില്‍ മാര്‍ റാഫേല്‍ തട്ടിലിന് സ്വീകരണം നല്‍കും.10.00-ന് മേജര്‍ ആര്‍ച്ചുബിഷപ്പിന്റെ മുഖ്യകാര്‍മ്മികത്വത്തില്‍ ആഘോഷമായ കൃതജ്ഞതാബലി അര്‍പ്പിക്കും. തലശേരി അതിരൂപത മെത്രാപ്പോലീത്ത മാര്‍ ജോസഫ് പാംപ്ലാനി, അതിരൂപതാ വികാരി ജനറാള്‍ ഫാ. ആന്റണി മുതുകുന്നേല്‍, ഫാ. ആന്റണി മഞ്ഞളാംകുന്നേല്‍,അതിരൂപത ചാന്‍സലര്‍ ഫാ. ജോസഫ് മുട്ടത്തുകുന്നേല്‍ എന്നിവര്‍ സഹകാര്‍മ്മികരാകും.ഉച്ചയ്ക്ക് 12.00-ന് ദിവ്യകാരുണ്യ സെന്ററിന്റെ ശിലാ വെഞ്ചരിപ്പ് കര്‍മ്മം മാര്‍ റാഫേല്‍ തട്ടില്‍ നിര്‍വഹിക്കും. ദിവ്യകാരുണ്യ അത്ഭുതം നടക്കുമ്പോള്‍ വിശുദ്ധ കുര്‍ബാന അര്‍പ്പിച്ചിരുന്ന ഫാ. തോമസ് പതിക്കലിന്റെ കബറിട സന്ദര്‍ശനവും തുടര്‍ന്ന് നേര്‍ച്ച ഭക്ഷണവും 12.15-ന് നടക്കും.രാവിലെ 5.30, 7.30, ഉച്ചയ്ക്ക് 12.30 (ഇംഗ്ലീഷ്), വൈകുന്നേരം 3.30 (സീറോ മലങ്കര), 5.30, രാത്രി 7.00 എന്നീ സമയങ്ങളിലും വിശുദ്ധ കുര്‍ബാനയും നൊവേനയും ഉണ്ടായിരിക്കും.21-ന് വൈകുന്നേരം 6.30-ന് തിരുനാള്‍ പ്രദക്ഷിണം. പ്രധാന തിരുനാള്‍ ദിനമായ നവംബര്‍ 22ന് രാവിലെ 10.00-ന് ആഘോഷമായ തിരുനാള്‍ കുര്‍ബാനയും (ആംഗ്യഭാഷയിലും കുര്‍ബാന ഉണ്ടാകും) വചന സന്ദേശവും. തുടര്‍ന്ന് രാജത്വതിരുനാള്‍ റാലിയും സ്‌നേഹവിരുന്നും സമാപന ആശീര്‍വാദവും നടക്കും.101 മണിക്കൂര്‍ അഖണ്ഡ ആരാധനയോടെയാണ് തിരുനാളിന് തുടക്കമായത്. വികാരി ഫാ. തോമസ് കീഴാരത്തില്‍ തിരുനാളിന് കൊടിയേറ്റി. കോതമംഗലം രൂപതാമെത്രാന്‍ മാര്‍ ജോര്‍ജ് മഠത്തിക്കണ്ടത്തില്‍ വിശുദ്ധ കുര്‍ബാന അര്‍പ്പിച്ചു.2013 നവംബര്‍ 15 നാണ് വിളക്കന്നൂരില്‍ ദിവ്യകാരുണ്യ അത്ഭുതം സംഭവിച്ചത്. വര്‍ഷങ്ങള്‍ നീണ്ട ശാസ്ത്രീയ-ദൈവശാസ്ത്ര പരിശോധനകള്‍ക്ക് ഒടുവില്‍ 2025 മെയ് 31-ന് വത്തിക്കാന്‍ അംഗീകരിച്ചു. ഇന്ത്യയിലെ അന്നത്തെ വത്തിക്കാന്‍ സ്ഥാനപതി ആര്‍ച്ചുബിഷപ് ഡോ. ലിയോ പോള്‍ദോ ഗിറേല്ലി വിളക്കന്നൂര്‍ പള്ളിയില്‍ വെച്ചാണ് ഔദ്യോഗിക പ്രഖ്യാപനം നടത്തിയത്.മുന്‍കൂട്ടി അറിയിക്കുന്ന തീര്‍ത്ഥാടകര്‍ക്ക് താമസ- ഭക്ഷണ സൗകര്യങ്ങള്‍ ലഭ്യമാണ്. <temp class="focus-point"></temp>

വിളക്കന്നൂര്‍ ദിവ്യകാരുണ്യ അത്ഭുത വാര്‍ഷികവും ദിവ്യകാരുണ്യ സെന്റര്‍ ശിലാസ്ഥാപനവും

<temp class="focus-point"><p class="wp-block-paragraph" style="margin-block: 0px 0.9rem; word-break: break-all; overflow-wrap: anywhere; caret-color: rgb(108, 117, 125); color: rgb(108, 117, 125); font-family: &quot;Noto Sans Malayalam&quot;, sans-serif; font-size: 17px; text-align: justify; word-spacing: 1px;">റാസല്‍ഖൈമ:&nbsp;ഏഷ്യന്‍ ഭൂഖണ്ഡത്തിലെ വിവിധ രാജ്യങ്ങളില്‍ നിന്നുള്ള കത്തോലിക്കാ യുവജനങ്ങളെ ഒന്നിപ്പിക്കുന്ന പ്രഥമ കാരിസ് ഏഷ്യ യുവജന സമ്മേളനം റാസല്‍ഖൈമയിലെ സെന്റ് ആന്റണി ഓഫ് പാദുവ ദേവാലയത്തില്‍ തുടങ്ങി. സമ്മേളനം നവംബര്‍ 15ന് സമാപിക്കും.<p class="wp-block-paragraph" style="margin-block: 0px 0.9rem; word-break: break-all; overflow-wrap: anywhere; caret-color: rgb(108, 117, 125); color: rgb(108, 117, 125); font-family: &quot;Noto Sans Malayalam&quot;, sans-serif; font-size: 17px; text-align: justify; word-spacing: 1px;">‘മൂവ് ദ മൗണ്ടന്‍സ്’ എന്നതാണ് സമ്മേളനത്തിന്റെ മുഖ്യ പ്രമേയം. ‘നിങ്ങള്‍ക്കു കടുകുമണിയോളം വിശ്വാസമുണ്ടെങ്കില്‍ ഈ മലയോട്, ഇവിടെനിന്നു മാറി മറ്റൊരു സ്ഥലത്തേക്ക് പോവുക എന്നു പറഞ്ഞാല്‍ അതു മാറിപ്പോകും. നിങ്ങള്‍ക്ക് യാതൊന്നും അസാധ്യമായിരിക്കുകയില്ല’ (മത്തായി 17: 20-21) എന്ന തിരുവചനത്തെ ആസ്പദമാക്കിയാണ് സമ്മേളനം സംഘടിപ്പിച്ചിരിക്കുന്നത്.<p class="wp-block-paragraph" style="margin-block: 0px 0.9rem; word-break: break-all; overflow-wrap: anywhere; caret-color: rgb(108, 117, 125); color: rgb(108, 117, 125); font-family: &quot;Noto Sans Malayalam&quot;, sans-serif; font-size: 17px; text-align: justify; word-spacing: 1px;">ഇന്ത്യ, ഫിലിപ്പീന്‍സ്, ദക്ഷിണ കൊറിയ, ജപ്പാന്‍, സിംഗപ്പൂര്‍, മലേഷ്യ, ഇന്തോനേഷ്യ, തായ്വാന്‍, കുവൈറ്റ്, പാകിസ്ഥാന്‍, യുഎഇ തുടങ്ങിയ രാജ്യ ങ്ങളി ല്‍ നിന്നുള്ള നൂറുകണക്കിന് യുവജനങ്ങള്‍ സമ്മേളനത്തില്‍ പങ്കെടുക്കുണ്ട്.<p class="wp-block-paragraph" style="margin-block: 0px 0.9rem; word-break: break-all; overflow-wrap: anywhere; caret-color: rgb(108, 117, 125); color: rgb(108, 117, 125); font-family: &quot;Noto Sans Malayalam&quot;, sans-serif; font-size: 17px; text-align: justify; word-spacing: 1px;">വിശ്വാസം, മാനസികാരോഗ്യം, ബന്ധങ്ങള്‍ തുടങ്ങി യ വിഷയങ്ങളില്‍ പ്രത്യേക ശില്‍പശാലകളും ഒരുക്കിയിട്ടുണ്ട്.<p class="wp-block-paragraph" style="margin-block: 0px 0.9rem; word-break: break-all; overflow-wrap: anywhere; caret-color: rgb(108, 117, 125); color: rgb(108, 117, 125); font-family: &quot;Noto Sans Malayalam&quot;, sans-serif; font-size: 17px; text-align: justify; word-spacing: 1px;">2027-ല്‍ ദക്ഷിണ കൊറിയയിലെ സിയോളില്‍ നടക്കാനിരിക്കുന്ന ലോക യുവജന സമ്മേളനത്തിന് മുന്നോടിയായുള്ള ‘മിനി വേള്‍ഡ് യൂത്ത് ഡേ’ ആ ഘോഷങ്ങള്‍ സമ്മേളനത്തിന്റെ സമാപന ദിവസമായ 15ന് നടക്കും.<temp class="focus-point"></temp></temp>

കാരിസ് ഏഷ്യ യുവജനസമ്മേളനത്തിന് പ്രൗഢഗംഭീര തുടക്കം

ചിക്ലായോ (പെറു): മിഷ്ണറിയും മെത്രാനുമായി ഇരുപതു വര്‍ഷത്തോളം അജപാലന ശുശ്രൂഷ ചെയ്‌ത ചിക്ലായോ രൂപതയിൽ പത്രോസിന്റെ പിൻഗാമിയെന്ന നിലയിൽ ലെയോ പാപ്പ ആദ്യമായി അർപ്പിച്ച വിശുദ്ധ ബലി അവിസ്മരണീയ നിമിഷങ്ങളായി. ഇന്നലെ നവംബർ 13 വെള്ളിയാഴ്ച പ്രാദേശികസമയം രാവിലെ 10.30-നായിരുന്നു (ഇന്ത്യന്‍ സമയം ഇന്നലെ രാത്രി 9 മണി) വിശുദ്ധ കുർബാന. വര്‍ഷങ്ങളോളം തങ്ങളുടെ ഇടയില്‍ വൈദികനായും മെത്രാനായും സേവനം അനുഷ്ഠിച്ച ഇടയന്‍ ആഗോള കത്തോലിക്ക സഭയുടെ പരമാധ്യക്ഷനായി തെരഞ്ഞെടുക്കപ്പെട്ട ശേഷം ആദ്യമായി കടന്നുവന്നപ്പോള്‍ അത് ചിക്ലായോ ജനങ്ങള്‍ക്ക് മറക്കാനാവാത്ത നിമിഷങ്ങളായി.<temp class="focus-point"></temp><div>“പാമ്പാസ് ദെ പിമെന്തെൽ” മൈതാനത്ത് വിശുദ്ധ കുര്‍ബാനയോട് അനുബന്ധിച്ചു നല്‍കിയ സന്ദേശത്തില്‍ താൻ ദീർഘകാലം ശുശ്രൂഷ ചെയ്‌ത ചിക്ലായോയിലേക്ക് വീണ്ടും തിരിച്ചെത്താൻ കഴിഞ്ഞതിലുള്ള സന്തോഷം പ്രസംഗത്തിന്റെ ആരംഭത്തിൽ തന്നെ പാപ്പ പങ്കുവെച്ചിരിന്നു. അടുത്തിടെ താൻ നേരിട്ട ആരോഗ്യപ്രശ്നങ്ങൾക്കിടയിൽ തനിക്ക് പ്രാർത്ഥനയിലൂടെയും സ്നേഹത്തിലൂടെയും വിശ്വാസികൾ പിന്തുണ നൽകിയത് പാപ്പ നന്ദിയോടെ അനുസ്മരിച്ചു. തുടര്‍ന്നു നല്‍കിയ സന്ദേശത്തില്‍ ക്രൈസ്തവ ജീവിതസാക്ഷ്യത്തിലൂടെയും സ്നേഹത്തിലൂടെയും ക്രിസ്തുവിനെയും അവിടുത്തെ സുവിശേഷവും ലോകത്തോട് പ്രഘോഷിക്കാൻ പാപ്പ വിശ്വാസികളോട് ആഹ്വാനം ചെയ്തു. </div><div>വൈദികരെന്നോ സമർപ്പിതരെന്നോ അൽമായരെന്നോ ഉള്ള വ്യത്യാസം കണക്കിലെടുക്കാതെ, എല്ലാ ക്രൈസ്തവരും പ്രേഷിത ശിഷ്യരാണെന്നും, സ്വന്തം ജീവിതസാക്ഷ്യത്തിലൂടെ യേശുക്രിസ്തുവിനെ ലോകത്തിന് മുന്നിൽ അറിയിക്കാനുള്ള ഉത്തരവാദിത്വം എല്ലാവർക്കുമുള്ളതാണെന്നും പാപ്പ ഉദ്‌ബോധിപ്പിച്ചു. സംഭാഷണങ്ങളിലൂടെയും, സഭയിലെ വ്യത്യസ്തമായ സുവിശേഷപ്രഘോഷണ സംവിധാനങ്ങളിലൂടെയും എന്നതിനേക്കാൾ, ക്രിസ്തുവുമായുള്ള വ്യക്തിപരമായ കൂടിക്കാഴ്ചയുടെ അനുഭവം മറ്റുള്ളവരുമായി പങ്കുവെക്കുന്നതിലൂടെയാണ് സുവിശേഷവത്കരണം കൂടുതൽ അനുഭവഭേദ്യമായ രീതിയിൽ സാധ്യമാകുകയെന്ന് പാപ്പ ഉദ്‌ബോധിപ്പിച്ചു. </div><div>വിശുദ്ധ കുർബാന, ദൈവവചനം, സഭയുടെ കൂട്ടായ്മ, സഹോദരങ്ങളോടുള്ള തുറന്ന മനോഭാവം തുടങ്ങിയവ ക്രിസ്തുവിന്റെ സാന്നിദ്ധ്യം അനുഭവിക്കാൻ ഉപകാരപ്രദമാണ്. സുവിശേഷപ്രഘോഷണമെന്നത് ആനന്ദപ്രദമായ ഒരു ദൗത്യമാണ്. സുവിശേഷത്തിന്റെ സന്തോഷം മറ്റുള്ളവരുമായി പങ്കുവയ്ക്കുന്നത് വഴി ഈ ആനന്ദം വർദ്ധിപ്പിക്കും. സുവിശേഷപ്രഘോഷണം കാരുണ്യത്തോടും സഹോദരസ്നേഹത്തോടും കൂടിയുള്ളതാകണമെന്ന് ഓർമ്മിപ്പിച്ച പാപ്പ, ദരിദ്രരെയും ആലംബഹീനരേയും സഹായിക്കേണ്ടതിന്റെ ആവശ്യകതയും സന്ദേശത്തില്‍ ചൂണ്ടിക്കാട്ടിയിരിന്നു. </div>

മിഷ്ണറിയായി സേവനമനുഷ്ഠിച്ച രൂപതയിൽ പത്രോസിന്റെ പിന്‍ഗാമിയായി ബലിയർപ്പിച്ച് ലെയോ പാപ്പ

<div>ന്യൂഡൽഹി: ഇതുവരെ സെനഗൽ, കാബോ വെർദെ, ഗിനിയ-ബിസാവു, മൗറിത്താനിയ എന്നീ രാജ്യങ്ങളിലെ അപ്പസ്തോലിക് നുൺഷ്യോ ആയി സേവനമനുഷ്ഠിച്ചിരുന്ന അഭിവന്ദ്യ ആർച്ച്ബിഷപ്പ് വാൽഡെമർ സ്റ്റാനിസ്ലാവ് സോമ്മെർടാഗിനെ ഇന്ത്യയിലേക്കുള്ള പുതിയ അപ്പസ്തോലിക് നുൺഷ്യോയായി (വത്തിക്കാൻ സ്ഥാനപതി) പരിശുദ്ധ ലിയോ പതിനാലാമൻ പാപ്പ നിയമിച്ചു. 2026 നവംബർ 14 ശനിയാഴ്ച പ്രാദേശിക സമയം ഉച്ചയ്ക്ക് 12 മണിക്ക് റോമിലും, അതേസമയം ഇന്ത്യൻ സമയം വൈകുന്നേരം 4:30-ന് ന്യൂഡൽഹിയിലെ അപ്പസ്തോലിക് നുൺഷ്യേച്ചറിലും സി.ബി.സി.ഐ (CBCI) സെന്ററിലുമാണ് ഈ നിയമനം ഔദ്യോഗികമായി പ്രഖ്യാപിച്ചത്. മാസ്ട്രിച്ചിലെ ടൈറ്റുലാർ ആർച്ച്ബിഷപ്പായ വാൽഡെമർ സ്റ്റാനിസ്ലാവ് സോമ്മെർടാഗ് 1968 ഫെബ്രുവരി 6-ന് പോളണ്ടിലെ വീറ്റ്സ്ബോർക്കിലാണ് ജനിച്ചത്. 1993 മെയ് 30-ന് പോളണ്ടിലെ പെൽപ്ലിൻ രൂപതയ്ക്കായി അദ്ദേഹം പൗരോഹിത്യം സ്വീകരിച്ചു. റോമിലെ പൊന്തിഫിക്കൽ എക്ലേസിയാസ്റ്റിക്കൽ അക്കാദമിയിൽ നിന്ന് നയതന്ത്രപഠനം പൂർത്തിയാക്കിയ അദ്ദേഹം 2000-ൽ ബിരുദം നേടി. അതേ വർഷം തന്നെ റോമിലെ പൊന്തിഫിക്കൽ യൂണിവേഴ്സിറ്റി ഓഫ് ദി ഹോളി ക്രോസിൽ നിന്ന് കാനൻ നിയമത്തിലും ബിരുദം കരസ്ഥമാക്കി. 2000 ജൂലൈ 1-ന് അദ്ദേഹം പരിശുദ്ധ സിംഹാസനത്തിന്റെ നയതന്ത്ര വിഭാഗത്തിൽ പ്രവേശിച്ചു. ടാൻസാനിയ (2000–2003), നിക്കരാഗ്വ (2003–2005), ബോസ്നിയ ആൻഡ് ഹെർസഗോവിന, മോണ്ടിനെഗ്രോ (2005–2010), ഇസ്രായേൽ, പലസ്തീൻ, സൈപ്രസ് (2010–2013) എന്നിവിടങ്ങളിലെ നയതന്ത്ര കാര്യാലയങ്ങളിൽ അദ്ദേഹം സേവനമനുഷ്ഠിച്ചിട്ടുണ്ട്. 2013 ജൂലൈ 1-ന് വത്തിക്കാൻ സ്റ്റേറ്റ് സെക്രട്ടേറിയറ്റിലെ വിദേശകാര്യ വിഭാഗത്തിൽ (Section for Relations with States) നിയമിതനായ അദ്ദേഹം, 2018 വരെ പരിശുദ്ധ സിംഹാസനത്തിന്റെ വിദേശകാര്യ മന്ത്രിയുടെ പ്രൈവറ്റ് സെക്രട്ടറിയായി പ്രവർത്തിച്ചു. 2018 ഫെബ്രുവരി 15-ന് ഫ്രാൻസിസ് പാപ്പ അദ്ദേഹത്തെ മാസ്ട്രിച്ചിലെ ടൈറ്റുലാർ ആർച്ച്ബിഷപ്പായും നിക്കരാഗ്വയിലേക്കുള്ള അപ്പസ്തോലിക് നുൺഷ്യോയായും നിയമിച്ചു. 2018 മാർച്ച് 19-ന് വത്തിക്കാനിലെ സെന്റ് പീറ്റേഴ്‌സ് ബസിലിക്കയിൽ വെച്ച് ഫ്രാൻസിസ് പാപ്പയിൽ നിന്ന് അദ്ദേഹം മെത്രാഭിഷേകം സ്വീകരിച്ചു.&nbsp;തുടർന്ന് 2022 സെപ്റ്റംബർ 6-ന് സെനഗൽ, കാബോ വെർദെ, ഗിനിയ-ബിസാവു, മൗറിത്താനിയ എന്നിവിടങ്ങളിലെ അപ്പസ്തോലിക് നുൺഷ്യോയായി നിയമിതനായ അദ്ദേഹം പുതിയ നിയമനം ലഭിക്കുന്നതുവരെ ആ പദവിയിൽ തുടർന്നു.&nbsp;വിവിധ രാജ്യങ്ങളിലും വത്തിക്കാൻ സ്റ്റേറ്റ് സെക്രട്ടേറിയറ്റിലും പ്രവർത്തിച്ച ദീർഘകാലത്തെ നയതന്ത്ര പരിചയവുമായാണ് ആർച്ച്ബിഷപ്പ് സോമ്മെർടാഗ് ഇന്ത്യയിലേക്കുള്ള നയതന്ത്ര ദൗത്യത്തിന്റെ ചുമതലയേൽക്കുന്നത്. </div><temp class="focus-point"></temp>

ആർച്ച്ബിഷപ്പ് വാൽഡെമർ സ്റ്റാനിസ്ലാവ് സോമ്മെർടാഗിനെ ഇന്ത്യയിലേക്കുള്ള അപ്പസ്തോലിക് നുൺഷ്യോയായി ലിയോ പതിനാലാമൻ പാപ്പ നിയമിച്ച

മാനന്തവാടി: നാല് പതിറ്റാണ്ടിലേറെയായി ലഹരിവിമുക്ത ചികിത്സാരംഗത്ത് പ്രവർത്തിച്ച് പതിനായിരത്തിലധികം പേരെ ജീവിതത്തിലേക്ക് തിരിച്ചുകൊണ്ടുവന്ന രണ്ട് കന്യാസ്ത്രീകൾക്ക് കേരള ആഭ്യന്തര വകുപ്പിന്റെ ആദരം. മാനന്തവാടി വിന്‍സന്‍റ് ഗിരി ആശുപത്രിയിലെ ഡി അഡീക്ഷൻ സെന്റർ ഡയറക്ടർമാരായ സിസ്റ്റർ മരിയ സെലിൻ പ്ലാമൂട്ടിലിനെയും സിസ്റ്റർ മേരി ആൻ നെല്ലിക്കയത്തിനെയുമാണ് 'തൂഫാൻ വാരിയർ' ബാഡ്‌ജ് നൽകി ആദരിച്ചത്. മാനന്തവാടി പോലീസ്, ഫയർ സ്‌റ്റേഷനുകളുടെ തറക്കല്ലിടൽ ചടങ്ങിൽ ആഭ്യന്തര മന്ത്രി രമേശ് ചെന്നിത്തലയാണ് ബാഡ്‌ജ്‌ അണിയിച്ചത്.&nbsp;&nbsp; ലഹരിക്ക് അടിമകളായവരെ ജീവിതത്തിലേക്ക് തിരികെ കൊണ്ടുവരുന്നതിനായി ജീവിതം സമർപ്പിച്ച ഈ സിസ്റ്റർമാരാണ് യഥാർഥ തൂഫാൻ വാരിയർമാരെന്ന് മന്ത്രി പറഞ്ഞു. നാല് പതിറ്റാണ്ടായി ആയിരക്കണക്കിന് ആളുകൾക്ക് ലഹരിയിൽനിന്ന് മോചനം നൽകുന്ന ഇവർക്കും വിൻസൻ്റ് ഗിരി ആശുപത്രിയിലെ ഡിഅഡിക്ഷൻ സെന്ററിനും സർക്കാരിന്റെ എല്ലാവിധ പിന്തുണയും ഉണ്ടാകുമെന്നും അദ്ദേഹം വ്യക്തമാക്കി. ചടങ്ങിൽ സിസ്റ്റർമാരെ ആദരിക്കുന്നതിന് മുന്നോടിയായി ഇവരുടെ സേവനങ്ങളെക്കുറിച്ച് വേദിയിൽ അനൗൺസ്മെൻ്റ് നടത്തി.&nbsp; 1987ലാണ് വിൻസെന്‍റ് ഗിരി ആശുപത്രിയിൽ ലഹരിവിമുക്ത ചികിത്സ ആരംഭിച്ചത്. മദ്യത്തിനും മറ്റ് ലഹരിവസ്തുക്കൾക്കും അടിമപ്പെട്ട പതിനായിരത്തിലധികം പേർക്ക് ഇവിടെ ചികിത്സയിലൂടെ പുതുജീവിതം നൽകാൻ കഴിഞ്ഞിട്ടുണ്ട്. ഇന്ന് രാസലഹരിക്ക് അടിമപ്പെട്ട യുവാക്കൾ ഉൾപ്പെടെ ചികിത്സയ്ക്കായി ഇവിടെ എത്തുന്നുണ്ട്. ശാരീരിക പ്രയാസങ്ങൾക്കിടയിലും വിശ്രമജീവിതത്തിലേക്ക് മാറാതെ സേവനം തുടരുന്ന സിസ്റ്റർമാർ നിരവധി കുടുംബങ്ങൾക്കാണ് പ്രതീക്ഷയും ആശ്വാസവുമേകുന്നത്. ലഹരിമുക്ത കേരളം എന്ന ലക്ഷ്യത്തോടെ സംസ്ഥാന ആഭ്യന്തര വകുപ്പും കേരള പോലീസും നടപ്പാക്കുന്ന 'ഓപ്പറേഷൻ തൂഫാൻ - ദ നാർക്കോ ഹണ്ട്' ദൗത്യത്തിന് പൂർണ പിന്തുണ തുടരുമെന്ന് സിസ്റ്റർമാർ അറിയിച്ചു.&nbsp; മാനന്തവാടി പോലീസ് സ്‌റ്റേഷന് മുന്നിൽ നടന്ന ചടങ്ങിൽ മാനന്തവാടി എംഎൽഎ ഉഷ വിജയൻ അധ്യക്ഷത വഹിച്ചു. കൃഷിമന്ത്രി ടി. സിദ്ധിഖ് മുഖ്യപ്രഭാഷണം നടത്തി. ഐ.സി. ബാലകൃഷ്‌ണൻ എംഎൽഎ, ജില്ലാ പഞ്ചായത്ത് പ്രസിഡന്റ് ചന്ദ്രിക കൃഷ്‌ണൻ, വടക്കൻ മേഖല ഐജി പുട്ട വിമലാദിത്യ, കണ്ണൂർ റേഞ്ച് ഡിഐജി കെ. കാർത്തിക്, വയനാട് ജില്ലാ പോലീസ് മേധാവി എസ്. ദേവമനോഹർ, മാനന്തവാടി എഎസ്‌പി ബി. കാർത്തിക്, ജനപ്രതിനിധികള്‍ സംസാരിച്ചു. <temp class="focus-point"></temp>

ലഹരിയില്‍ നിന്ന് പതിനായിരത്തിലധികം പേരെ മോചിപ്പിച്ച കന്യാസ്ത്രീകൾക്ക് ആഭ്യന്തര വകുപ്പിന്റെ ആദരം

<div>ലിമ (പെറു): തെക്കേ അമേരിക്കൻ പര്യടനത്തിന്റെ ഭാഗമായി പെറുവിലെത്തിയ ലെയോ പതിനാലാമൻ മാർപാപ്പ, തലസ്ഥാനമായ ലിമയിലെ ദേശീയ സ്റ്റേഡിയത്തിൽ യുവജന ജാഗരണ പ്രാർത്ഥനയുടെ ഭാഗമായി ഒരുമിച്ച് കൂടിയ 60,000-ത്തോളം യുവജനങ്ങളുമായി കൂടിക്കാഴ്ച നടത്തി. സ്റ്റേഡിയത്തിന് പുറത്തും പരിസരപ്രദേശങ്ങളിലുമായി ഏകദേശം മൂന്ന് ലക്ഷം വിശ്വാസികൾ കൂടി ചടങ്ങിൽ പങ്കുചേരാന്‍ എത്തിയിരിന്നു. ജീവിതത്തിലെ യഥാർത്ഥ ലക്ഷ്യവും വിളിയും കണ്ടെത്തുന്നതിനുള്ള ഏറ്റവും പ്രധാനപ്പെട്ട മാർഗ്ഗം ക്രിസ്തുവുമായുള്ള സൗഹൃദമാണെന്ന് പാപ്പ യുവജനങ്ങളെ ഓർമ്മിപ്പിച്ചു.&nbsp; "കർത്താവിന്റെ സ്വരം തിരിച്ചറിയാൻ പഠിക്കേണ്ടത് അത്യന്താപേക്ഷിതമാണ്. നിങ്ങളുടെ പദ്ധതികളെക്കുറിച്ച് അവനോട് സംസാരിക്കുക, അവന്റെ വചനം നിങ്ങളെ ചോദ്യം ചെയ്യാൻ അനുവദിക്കുക. അവൻ നിങ്ങളിൽ നിന്ന് എന്താണ് പ്രതീക്ഷിക്കുന്നതെന്ന് ചോദിക്കാൻ ഭയപ്പെടരുത്" പാപ്പ പറഞ്ഞു. ചിലരെ പൗരോഹിത്യത്തിലേക്കും സമർപ്പിത ജീവിതത്തിലേക്കും, മറ്റു ചിലരെ വിവാഹത്തിലേക്കും കുടുംബജീവിതത്തിലേക്കും ദൈവം വിളിക്കുമെന്നും, എല്ലാവരും തങ്ങളുടെ കഴിവുകൾ മറ്റുള്ളവരുടെ നന്മയ്ക്കായി ഉപയോഗിക്കണമെന്നും പാപ്പ യുവജനങ്ങള്‍ക്ക് നല്‍കിയ സന്ദേശത്തിനിടെ ആഹ്വാനം ചെയ്തു. </div>ഭീഷണി, വിഷാദരോഗം, പ്രിയപ്പെട്ടവരുടെ വേർപാട് തുടങ്ങിയ കഠിനമായ ജീവിതസാഹചര്യങ്ങളെ അതിജീവിച്ച് സഭയിൽ പുതിയ ദൗത്യങ്ങൾ കണ്ടെത്തിയ മൂന്ന് യുവജനങ്ങളുടെ അനുഭവസാക്ഷ്യങ്ങൾ കേട്ട ശേഷമായിരുന്നു ലെയോ പാപ്പയുടെ പ്രസംഗം. ജീവിതത്തിൽ തെറ്റുകൾ പറ്റിയവരും നിരാശയിൽ കഴിയുന്നവരും ഭയപ്പെടേണ്ടതില്ലെന്നും, അവരുടെ ജീവിതം അറിയുന്ന യേശു അവരെ ചേർത്തുപിടിക്കാൻ കാത്തിരിക്കുകയാണെന്നും പാപ്പ പറഞ്ഞു. നമ്മളെക്കുറിച്ച് നമുക്കുള്ളതിനേക്കാൾ നന്നായി, നമ്മുടെ ഉള്ളിലെ ഏറ്റവും ആഴമേറിയ ആഗ്രഹങ്ങൾ ദൈവത്തിന് അറിയാമെന്നും പാപ്പ സന്ദേശത്തില്‍ ഓര്‍മ്മിപ്പിച്ചു.<temp class="focus-point"></temp>

പെറുവില്‍ 60,000 യുവജനങ്ങളുമായി ലെയോ പാപ്പയുടെ കൂടിക്കാഴ്ച

നവംബർ 22-ന് 1,300 നിർധനർക്കൊപ്പം ലെയോ പതിനാലാമൻ പാപ്പ പങ്കെടുക്കുന്ന ഉച്ചഭക്ഷണത്തിന് മുന്നോടിയായി പേപ്പൽ ഹെൽത്ത് ക്ലിനിക്കുകൾ വഴി പാവപ്പെട്ടവർക്ക് സൗജന്യ ചികിത്സ ലഭ്യമാക്കും. നവംബർ 15-ന് സെന്റ് പീറ്റേഴ്സ് ബസിലിക്കയിൽ പാവപ്പെട്ടവർക്കായി അർപ്പിക്കുന്ന വിശുദ്ധ കുർബാനയോടെ ഡിക്കാസ്റ്ററി ഫോർ ഇവാഞ്ചലൈസേഷൻ പത്താം ആഗോള ദരിദ്ര ദിനം ആചരിക്കും.വത്തിക്കാൻ നൽകുന്ന വിവരമനുസരിച്ച്, ഉച്ചഭക്ഷണത്തിൽ ‘ഗുട്ടില്ല ജെലത്തേരിയ’ (Guttilla Gelateria) സംഭാവന ചെയ്യുന്ന ഐസ്ക്രീം ഉണ്ടായിരിക്കും. ഇതോടൊപ്പം ഇറ്റാലിയൻ റെഡ് ക്രോസിന്റെ നാഷണൽ ഫാൻഫെയറിന്റെ സംഗീത പരിപാടിയും അരങ്ങേറും. ചടങ്ങിന് ശേഷം, പ്രോക്ടർ ആൻഡ് ഗാംബിൾ (Procter &amp; Gamble) സംഭാവന ചെയ്യുന്ന വ്യക്തിഗത ശുചിത്വ കിറ്റുകളുമായിട്ടായിരിക്കും (hygiene kit) അതിഥികൾ മടങ്ങുക.ലെയോ പാപ്പ തെക്കേ അമേരിക്കൻ പര്യടനത്തിലായതിനാൽ, നവംബർ 15-ന് സെന്റ് പീറ്റേഴ്സ് ബസിലിക്കയിൽ വിശുദ്ധ കുർബാന അർപ്പിക്കാൻ ഡിക്കാസ്റ്ററി ഫോർ ദി സർവീസ് ഓഫ് ചാരിറ്റിയുടെ പ്രീഫെക്റ്റ് ആർച്ച് ബിഷപ്പ് ലൂയിസ് മാരിൻ ഡി സാൻ മാർട്ടിനെ (OSA) പാപ്പ ചുമതലപ്പെടുത്തിയിട്ടുണ്ട്.2015-ൽ ഫ്രാൻസിസ് മാർപാപ്പയുടെ കീഴിൽ സ്ഥാപിതമായ ‘മാദ്രെ ഡി മിസെറികോർദിയ’ (Madre di Misericordia) ക്ലിനിക്കും, 2025 മുതൽ പ്രവർത്തിക്കുന്ന ‘സാൻ മാർട്ടിനോ’ (San Martino) ക്ലിനിക്കും റോമിലെ പാവപ്പെട്ടവർക്കും ഭവനരഹിതർക്കും സൗജന്യ വൈദ്യപരിശോധനയും മരുന്നുകളും നൽകുന്നത് തുടരുകയാണ്. ആഗോള ദരിദ്രദിനത്തോടനുബന്ധിച്ചുള്ള വാരത്തിൽ, കൂടുതൽ സമയം പ്രവർത്തിക്കുന്ന ഈ ക്ലിനിക്കുകളിൽ ജനറൽ, സ്പെഷ്യലിസ്റ്റ് ഡോക്ടർമാരുടെ സേവനം, കാൻസർ സ്ക്രീനിംഗ്, ഫ്ലൂ വാക്സിനുകൾ, രക്തപരിശോധന എന്നിവ ലഭ്യമാക്കും.രേഖകളില്ലാത്തതിനാൽ ഇറ്റാലിയൻ ആരോഗ്യ സംവിധാനത്തിന്റെ സേവനം ലഭ്യമല്ലാത്ത ആളുകൾക്കായി രൂപകൽപ്പന ചെയ്തിട്ടുള്ള ഈ വത്തിക്കാൻ ക്ലിനിക്കുകളിലൊന്നിൽ ഒരു അധിക പരിശോധനാ മുറി കൂടി സജ്ജീകരിച്ചിട്ടുണ്ടെന്ന് ഡിക്കാസ്റ്ററി ഫോർ ദി സർവീസ് ഓഫ് ചാരിറ്റി അണ്ടർസെക്രട്ടറി ഡോ. മാസിമോ റാല്ലി വ്യക്തമാക്കി.26 സ്പെഷ്യാലിറ്റികളിലായി ഡോക്ടർമാർ, ഫാർമസിസ്റ്റുകൾ, ടെക്നീഷ്യൻമാർ, നഴ്സുമാർ എന്നിവരടങ്ങുന്ന 120 സന്നദ്ധപ്രവർത്തകരാണ് ഈ രണ്ട് ക്ലിനിക്കുകളിലും സേവനം ചെയ്യുന്നത്. ചികിത്സ തേടിയെത്തുന്നവരെ സ്വീകരിക്കാനും അവരോട് സംസാരിച്ച് ആശ്വാസം പകരാനും മറ്റ് സന്നദ്ധപ്രവർത്തകരും ഇവിടെ സജീവമാണ്.<temp class="focus-point"></temp>

പാവപ്പെട്ടവർക്ക് കൈത്താങ്ങായി വത്തിക്കാൻ: ആഗോള ദരിദ്ര ദിനത്തിൽ സൗജന്യ ചികിത്സയും സ്നേഹവിരുന്നും

വിഴിഞ്ഞം: ഏഷ്യയിലെ തന്നെ ഏറ്റവും വലിയ 'പിയാത്ത' ശിൽപ്പം തിരുവനന്തപുരം ജില്ലയിലെ വിഴിഞ്ഞം പുല്ലുവിള തീരത്ത് അനാശ്ചാദനം ചെയ്തു. ലോകപ്രശസ്ത ശിൽപി മൈക്കലാഞ്ചലോയാണ് കുരിശിലേറ്റപ്പെട്ട യേശുക്രിസ്തുവിന്റെ ചേതനയറ്റ ശരീരം മടിയിൽ കിടത്തി നോക്കുന്ന കന്യാമറിയത്തിന്റെ രൂപമുള്ള പിയാത്ത ശിൽപം ആദ്യമായി നിര്‍മ്മിച്ചത്. ഇതിന്റെ പകര്‍പ്പാണ് സെന്റ് ജേക്കബ് ഫൊറോന ദേവാലയത്തിന്റെ നേതൃത്വത്തിലാണ് പുല്ലുവിള തീരത്ത് ശിൽപം സ്ഥാപിച്ചത്. ഏഷ്യയിലെ ഏറ്റവും വലിയ പിയാത്ത ശിൽപ്പങ്ങളിലൊന്നാണിത്. തറയിൽനിന്നു പത്തടി ഉയരത്തിൽ തീർത്ത പ്ലാറ്റ്ഫോമിനു മുകളിൽ ക്രിസ്‌തുവിൻ്റെ ജീവചക്രം കണക്കാക്കി 33 അടിപൊക്കത്തിൽ നിർമിച്ച ശില്പം, കുരിശിൻ്റെ ഉയരം ഉൾപ്പെടെ 70 അടിയിലാണ് പിയാത്തയുടെ നിൽപ്പ്. ശില്പത്തിൻ്റെ ഉദ്ഘാടനം കഴിഞ്ഞ ദിവസം മുഖ്യമന്ത്രി വി.ഡി.സതീശൻ നിർവഹിച്ചു. പുല്ലുവിളയെ ടൂറിസം കേന്ദ്രമാക്കി വികസിപ്പിക്കുമെന്നും അടുത്ത ബജറ്റിൽ ഇതിനു വേണ്ട തുക അനുവദിക്കുമെന്നും മുഖ്യമന്ത്രി അറിയിച്ചു. മികച്ച ആർകിടെക്ടിനെ ചുമതലപ്പെടുത്തി പുല്ലുവിള ടൂറിസം കേന്ദ്രമാക്കുന്നതുമായി ബന്ധപ്പെട്ട ഡിപിആർ തയാറാക്കുമെന്നു മുഖ്യമന്ത്രി ഉറപ്പുനൽകി. ജനത്തിന്റെ ജീവിത നിലവാരം കൂടി ഉയർത്തുന്ന തരത്തിലുള്ള പദ്ധതിയായിരിക്കും വിഭാവന ചെയ്യുന്നതെന്നും മുഖ്യമന്ത്രി ചൂണ്ടിക്കാട്ടി. ലത്തീൻ അതിരൂപത സഹായമെത്രാൻ ഡോ. ആർ. ക്രിസ്‌തുദാസ് അധ്യക്ഷനായി. എം.വിൻസെന്‍റ് എംഎൽഎ, പുല്ലുവിള ഫൊറോന വികാരി മോൺ. വൈ. ഡൈസൻ, ഇടവക വികാരി ഫാ. എസ്.ബി. ആന്റണി, കരുംകുളം പഞ്ചായത്ത് പ്രസിഡൻ്റ് പുഷ്‌പം വിൻസൻ്റ്, സെക്രട്ടറി സ്റ്റെല്ലസ് ഫ്രാൻസിസ് തുട ങ്ങിയവർ പ്രസംഗിച്ചു.<temp class="focus-point"></temp>

ഏഷ്യയിലെ ഏറ്റവും വലിയ 'പിയാത്ത' ശിൽപ്പം പുല്ലുവിളയില്‍

സഹോദരങ്ങൾക്കിടയിലുള്ള സംഭാഷണം പങ്കുവയ്ക്കുവാനുള്ള അവസരത്തിനും, രോഗാവസ്ഥയിൽ നിന്നും തിരികെ വരുവാൻ തനിക്കുവേണ്ടി ഉയർത്തിയ പ്രാർത്ഥനകൾക്കും നന്ദി പറഞ്ഞുകൊണ്ടാണ്, ലിയോ പതിനാലാമൻ പാപ്പാ, ലിമയിലെ മെത്രാൻ ഭവനത്തിലെ ചാപ്പലിൽ വച്ച്, മെത്രാന്മാരുമായി നടത്തിയ&nbsp; കൂടിക്കാഴ്ച്ചാവേളയിൽ നൽകിയ സന്ദേശം ആരംഭിച്ചത്. പെറു രാജ്യത്തിന്റെ ഭൂമിശാസ്ത്രപരമായ പ്രത്യേകതകൾ വിവരിച്ചുകൊണ്ട്, നിസ്സംഗതയുടെ പർവതങ്ങൾ, വ്യക്തിത്വത്തിന്റെ മരുഭൂമികൾ, മനുഷ്യരെ വേർതിരിക്കുന്ന ദൂരങ്ങൾ എന്നിവ മുറിച്ചുകടക്കുന്ന ഒരു യാത്രയാണ്, മെത്രാൻ ശുശ്രൂഷയുടെ പ്രത്യേകതയെന്ന് പാപ്പാ എടുത്തുപറഞ്ഞു.&nbsp; കൂട്ടായ്മയുടെയും പ്രത്യാശയുടെയും പാതയാണ് സഭ എന്നതും പാപ്പാ കൂട്ടിച്ചേർത്തു.വിശ്വാസികളായ ജനതയോടൊപ്പം നടക്കുന്നതിനും ദൈവത്തിനും ജനങ്ങൾക്കും അവരുടെ മുൻഗണനകൾ വിവേചിച്ചറിയാൻ അനുവദിക്കുന്നതിനും ദൈവത്തിലേക്കുള്ള വഴി അറിയുക എന്നതാണ്, ഹൃദയം തുറക്കുക എന്ന തന്റെ യാത്രയുടെ ആപ്ത വാക്യത്തിൽ ഉൾച്ചേർന്നിരിക്കുന്ന മെത്രാന്മാർക്കായുള്ള സന്ദേശമെന്നും, ഇത് ഏവരെയും പരിവർത്തനത്തിലേക്കും കൂട്ടായ്മയിലേക്കും ദൗത്യത്തിലേക്കും നയിക്കുന്നതാണെന്നും പാപ്പാ പറഞ്ഞു. ദൈവവചനത്തിന്റെ നിധി കാത്തുസൂക്ഷിക്കുകയും ക്രിസ്തീയ ജീവിതം നിലനിർത്തുന്നതിന് അനിവാര്യമായ കൂദാശകൾ പരികർമ്മം ചെയ്യുകയും ചെയ്യുന്ന സന്ദേശവാഹകനാണ് മെത്രാൻ എന്നതും പാപ്പാ ചൂണ്ടിക്കാണിച്ചു.വീട് സന്ദർശനം നടത്തിയും, രോഗികളെ സന്ദർശിച്ചും, ചെറുപ്പക്കാരെ കണ്ടുമുട്ടിയും, പാർശ്വവത്ക്കരിക്കപ്പെട്ടവരെ ശ്രവിച്ചും രൂപതയെ കൂടുതൽ അറിയുക എന്നതാണ് മെത്രാന്റെ കടമയെന്നും പാപ്പാ അടിവരയിട്ടു. ക്രിസ്തീയ രൂപീകരണം ഉറപ്പുവരുത്തുന്നതിനും, തദ്ദേശീയരുടെ ഭാഷകളിൽ&nbsp; സുവിശേഷം പ്രഘോഷിക്കാൻ കഴിയുമെന്ന് ഉറപ്പാക്കുന്നതിനും അവരോടൊപ്പം ആയിരിക്കേണ്ടത് മെത്രാന്റെ ഉത്തരവാദിത്വം ആണെന്നും പാപ്പാ ചൂണ്ടിക്കാണിച്ചു.വേദനാജനകമായ അജപാലന ബുദ്ധിമുട്ടുകൾ, സാമൂഹിക വിഭജനങ്ങൾ, തെറ്റിദ്ധാരണകൾ, തീരുമാനങ്ങൾ എന്നിവ അഭുമുഖീകരിക്കേണ്ടതായി വരുമ്പോഴും, അജപാലന ദൗത്യം പ്രശ്നങ്ങൾ ഒഴിവാക്കുന്നതിലല്ല, മറിച്ച് ക്രിസ്തുവിനോട് വിശ്വസ്തത പുലർത്തുന്നതിലും ആളുകൾക്ക് സാധ്യമായ ഏറ്റവും വലിയ നന്മ തേടുന്നതിലുമാണെന്നു വിശുദ്ധ തോറിബിയോ മൊഗ്രോവേഹോയുടെ വാക്കുകൾ എടുത്തുപറഞ്ഞുകൊണ്ട് പാപ്പാ അടിവരയിട്ടു.യേശുവിന്റെ കുരിശ് മെത്രാൻ&nbsp; ശുശ്രൂഷയുടെ സവിശേഷതയാണെന്നും: യേശുക്രിസ്തുവിന്റെ സമർപ്പണവുമായി ഐക്യപ്പെടുമ്പോൾ സ്നേഹത്താൽ നാം നൽകുന്ന ഒരു ശ്രമവും ഉപയോഗശൂന്യമല്ലെന്ന് അതേ കുരിശ് നമ്മെ ഓർമ്മിപ്പിക്കുന്നുവെന്നും പാപ്പാ ഉദ്‌ബോധിപ്പിച്ചു. ഇപ്രകാരം ഒരുമിച്ച് നടക്കുന്നതും, കൂട്ടായ്മയിൽ വളരുന്നതും, ക്രിസ്തുവിന്റെ വഴിയിൽ ചരിക്കുന്നതിനു ഒഴിച്ചുകൂടാനാവാത്ത കാര്യമാണെന്നും പാപ്പാ ചൂണ്ടിക്കാട്ടി.ഏത് പാതകളാണ് യഥാർത്ഥത്തിൽ ക്രിസ്തുവിലേക്ക് നയിക്കുന്നതെന്ന് നാം സ്വയം ചോദിക്കുകയും വ്യാജങ്ങളെ അപലപിക്കുകയും&nbsp; ചെയ്യണമെന്ന് പാപ്പാ എടുത്തു പറഞ്ഞു. മൂന്നു ആഹ്വാനങ്ങളോടെയാണ് പാപ്പാ തന്റെ സന്ദേശം ഉപസംഹരിച്ചത്. അജഗണങ്ങളോടൊപ്പം ഒന്നിച്ച് യാത്ര ചെയ്യുക, മെത്രാൻ കൂട്ടായ്മയിൽ ഒരുമിച്ചു നടക്കുക, ഹൃദയങ്ങൾ അപരനിലേക്ക് തുറക്കുക എന്നിവയാണ്&nbsp; ഈ മൂന്നു ആഹ്വാനങ്ങൾ. ഏവർകും തങ്ങളുടെ മെത്രാനിൽ ഒരു പിതാവിന്റെ ഹൃദയം കാണുവാൻ ഇടയാകട്ടെയെന്നും പാപ്പാ ആശംസിച്ചു.<div> </div><temp class="focus-point"></temp>

KCBC News Highlights

കാരിസ് ഏഷ്യ യുവജനസമ്മേളനത്തിന് പ്രൗഢഗംഭീര തുടക്കം

വിളക്കന്നൂര്‍ ദിവ്യകാരുണ്യ അത്ഭുത വാര്‍ഷികവും ദിവ്യകാരുണ്യ സെന്റര്‍ ശിലാസ്ഥാപനവു...

കുടുംബസംഗമം പോലെ ഊഷ്മളം; മുൻ രൂപതയിലെ വൈദികർക്കൊപ്പം സ്നേഹം പങ്കിട്ട് ലെയോ പാപ്പ

പാവപ്പെട്ടവർക്ക് കൈത്താങ്ങായി വത്തിക്കാൻ: ആഗോള ദരിദ്ര ദിനത്തിൽ സൗജന്യ ചികിത്സയും...

പെറുവില്‍ 60,000 യുവജനങ്ങളുമായി ലെയോ പാപ്പയുടെ കൂടിക്കാഴ്ച

ലഹരിയില്‍ നിന്ന് പതിനായിരത്തിലധികം പേരെ മോചിപ്പിച്ച കന്യാസ്ത്രീകൾക്ക് ആഭ്യന്തര വ...

ആർച്ച്ബിഷപ്പ് വാൽഡെമർ സ്റ്റാനിസ്ലാവ് സോമ്മെർടാഗിനെ ഇന്ത്യയിലേക്കുള്ള അപ്പസ്തോലിക...

മിഷ്ണറിയായി സേവനമനുഷ്ഠിച്ച രൂപതയിൽ പത്രോസിന്റെ പിന്‍ഗാമിയായി ബലിയർപ്പിച്ച് ലെയോ ...

മെത്രാന്മാരിൽ ദൈവജനത്തിനു തങ്ങൾക്കൊപ്പം നിൽക്കുന്ന ഒരു പിതാവിനെ കാണുവാൻ സാധിക്കണ...

ഏഷ്യയിലെ ഏറ്റവും വലിയ 'പിയാത്ത' ശിൽപ്പം പുല്ലുവിളയില്‍